„Resta persona nel mondo dei massmedia“

Campagna di sensibilizzazione sull’utilizzo del cellulare e dei social media

L'obiettivo principale di questa iniziativa è quello di sensibilizzare genitori o meglio gli adulti all'uso dei social media, in particolare dei cellulari, in maniera responsabile e di far riflettere sulla funzione di esempio degli adulti. Tutti, compresi i giovani, dovrebbero essere consapevoli di quanto tempo viene investito e per quale motivo si utilizzano questi canali di comunicazione.

Chiunque vede le foto di grande formato che sono state preparate appositamente, dovrebbe verificare se il proprio consumo è eccessivo o meno. Un'altra considerazione di rilevanza è quali informazioni e foto vengono messe sul web e come e dove queste possono essere utilizzate da terzi.

Le gigantografie (3mx2m) attirano l’attenzione, i motivi hanno lo scopo di scuotere, di impressionare. Gli slogan sono stati volutamente formulati in modo provocatorio, come "Tua figlia impara da TE ...vede ciò che fai TU!”, o anche "I ragazzi sono sempre incollati al cellulare! … e TU?"

I cinque motivi saranno esposti all'aperto nei principali centri della Val Badia per ca. 4 settimane in ogni luogo per poi essere spostati a rotazione nel periodo dal 22 maggio 2023 al 9 ottobre 2023.

Venerdì 19 maggio 2023 alle ore 20.00 avrà luogo l'apertura dell'iniziativa presso il Centro giovanile e culturale Saj.un a La Villa nell’ambito di una tavola rotonda con: Maddalena Valentini - pedagoga di mass media e mamma, Veronica Clara - assistente sociale, tutor accademica presso la Libera Università di Bolzano e mamma, Christian Pedevilla – avvocato e padre, Maria Pescosta - studentessa, Scuole Medie La Villa e Luianta Maria Clara – presidentessa del Comitato studenti, Scuole Superiori La Villa con la moderazione di Lois Kastlunger che discuteranno in lingua italiana di questo tema che ci riguarda tutti.

Un'iniziativa del Comitato di distretto Val Badia in collaborazione con il Servizio giovani Val Badia.

„Resta porsona tl monn di media“

Campagna de sensibilisaziun sön l’adoranza dl fonin y di mass media

Le travert prinzipal de chësta iniziativa é chël da sensibilisé dantadöt i geniturs, o miú, i adulc da adoré i social media, en particolar le fonin, te na manira responsabla. I adulc dess ester de bun ejëmpl por mituns y jogn. Tl medemo momënt dess düc ponsé sura por tan dî y por ci ch’ai adora chësc meso de comunicaziun.

Düc chi che vëiga les gran foto arjignades por chësta aziun, dess ponsé do sce ëi instësc esagerëia o manco cun le consum di massmedia. An dess ester cosciënc de ci sort de informaziuns y fotografies ch’an mët tla rëi ponsan olach’ares pó rové indlunch y co ch’ares pó gní adorades.

Chëstes gran fotografies (3mx2m) dess trá l’atenziun dles porsones, i motifs é gnüs chiris fora da ion por sperde, por imprescioné y é gnüs combiná cun slogans che provochëia, sciöche „Tüa möta impara da TE... Ara vëiga ci che TÖ fejes!“ o ince „I jogn é ma tres sön le telefon!... y TÖ pa?“

I 5 motifs gnará metüs fora un al iade alaleria ti posć prinzipai dla valada, ai sará da odëi apresciapüch 4 edemes alalungia te vigni post y spo gnarái baratá fora a rodaziun. L’esposiziun pëia ia ai 22 de ma 2023 por rové ai 9 de otober 2023.

En vëndres, ai 19 de ma 2023 dales 20.00 sarál tl Zënter dla Jonëza y dla cultura SaJ.un a La Ila l’inauguraziun dl’iniziativa cun na mësa torona cun: Maddalena Valentini, pedagoga di mass media y mama, Veronica Clara, assistënta soziala, tutor academica tla Libera Université da Balsan y mama, Christian Pedevilla, avocat y pere, Maria Pescosta, studënta, Scora Mesana La Ila y Luianta Maria Clara, presidënta dl Comité di studënc/dles studëntes dles Scores Altes La Ila cun la moderaziun de Lois Kastlunger che baiará de chësc argomënt che ti stá a cör bëgn feter a düc.

L’iniziativa é organisada dal Comité de distret Val Badia en colaboraziun cun le Sorvisc ai Jogn Val Badia.

11/05/2023